عروہ بن زبیر رحمہ اللہ، سیدنا ابن عباس رضی اللہ عنہما کے پاس آئے اور کہا: ”اے ابن عباس! آپ ایک طویل عرصے سے لوگوں کو گمراہ کر رہے ہیں۔“ انہوں نے فرمایا: ”اے عُریّہ! وہ کیا بات ہے؟“ انہوں نے کہا: ”ایک شخص حج یا عمرے کا احرام باندھ کر نکلتا ہے، پھر جب وہ طواف کر لیتا ہے تو آپ کا یہ موقف ہے کہ وہ حلال ہو گیا، حالانکہ سیدنا ابوبکر اور سیدنا عمر رضی اللہ عنہما اس سے منع کیا کرتے تھے۔“ اس پر سیدنا ابن عباس رضی اللہ عنہما نے فرمایا: ”تجھ پر افسوس! کیا وہ دونوں تمہارے نزدیک اللہ کی کتاب اور رسول اللہ صلی اللہ علیہ وسلم کی اس سنت سے زیادہ مقدم ہیں جو آپ صلی اللہ علیہ وسلم نے اپنے صحابہ اور اپنی امت میں جاری فرمائی؟“ عروہ رحمہ اللہ نے جواب دیا: ”وہ دونوں اللہ کی کتاب اور رسول اللہ صلی اللہ علیہ وسلم کی سنت کو مجھ سے اور آپ سے زیادہ جاننے والے تھے۔“ ابن ابی ملیکہ رحمہ اللہ کہتے ہیں: ”چنانچہ عروہ ان پر دلیل میں غالب آ گئے۔“
یہ حدیث ابن خلیل کے نسخے میں موجود نہیں ہے۔ [المعجم الأوسط/باب الألف/حدیث: 21]