سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”قرآن کریم کی خبر گیری اور نگہداشت کرتے رہو، کیونکہ اس ذات کی قسم جس کے ہاتھ میں میری جان ہے! یہ (قرآن) لوگوں کے سینوں سے نکل بھاگنے میں ان اونٹوں سے بھی زیادہ تیز ہے جو رسیوں سے بندھے ہوئے اپنے باڑوں میں ہوں (اور موقع پاتے ہی چھوٹ نکلیں)۔“
امام طبرانی رحمہ اللہ فرماتے ہیں: ”اس حدیث کو عوف سے ہشیم کے سوا کسی نے روایت نہیں کیا، اور اس میں اسحاق بن شاہین منفرد ہیں۔“ [المعجم الأوسط/باب الألف/حدیث: 2104]