زیاد بن سعد رحمہ اللہ بیان کرتے ہیں کہ ابونہیک رحمہ اللہ نے انہیں بتایا کہ سیدنا ابو الدرداء رضی اللہ عنہ نے خطبہ دیا اور فرمایا: ”جسے صبح (کی روشنی) آ لے، اس کا کوئی وتر نہیں۔“ تو ام المومنین سیدہ عائشہ رضی اللہ عنہا نے فرمایا: ”رسول اللہ صلی اللہ علیہ وسلم کو صبح ہو جاتی تھی اور آپ صلی اللہ علیہ وسلم (پھر بھی) وتر پڑھ لیتے تھے۔“
امام طبرانی رحمہ اللہ فرماتے ہیں: ”اس حدیث کو ابن جریج سے ابو عاصم کے سوا کسی نے روایت نہیں کیا۔“ [المعجم الأوسط/باب الألف/حدیث: 2132]