سیدنا ثابت بن قیس رضی اللہ عنہ نے عرض کیا: ”اے اللہ کے رسول! مجھے اندیشہ ہے کہ کہیں میں ہلاک نہ ہو گیا ہوں۔“ آپ صلی اللہ علیہ وسلم نے فرمایا: ”وہ کیوں؟“ انہوں نے عرض کیا: ”میں اپنے آپ میں تکبر اور خود پسندی کی خواہش پاتا ہوں، جبکہ اللہ عز و جل نے ہمیں منع فرمایا ہے کہ ہم آپ صلی اللہ علیہ وسلم کی آواز سے اپنی آوازیں بلند کریں، اور میں بلند آواز آدمی ہوں۔“ تو رسول اللہ صلی اللہ علیہ وسلم نے فرمایا: ”اے ثابت! کیا تم اس بات پر راضی نہیں کہ قابلِ تعریف زندگی گزارو، شہید ہو کر مارے جاؤ اور جنت میں داخل ہو جاؤ؟“ [المعجم الأوسط/باب الألف/حدیث: 2243]