سیدنا ابوہریرہ رضی اللہ عنہ سے روایت ہے کہ نبی صلی اللہ علیہ وسلم نے فرمایا: ”تین دعائیں ایسی ہیں جن کی قبولیت میں کوئی شک نہیں: مظلوم کی دعا، والد کی اپنی اولاد کے خلاف بددعا، اور مسافر کی دعا۔“
اس حدیث کو یحییٰ بن ابی کثیر رحمہ اللہ سے، انہوں نے ابوسلمہ رحمہ اللہ سے، امام اوزاعی رحمہ اللہ کے علاوہ کسی نے روایت نہیں کیا، اس میں ابومغیرہ رحمہ اللہ منفرد ہیں؛ جبکہ عام رواۃ کی روایت یحییٰ بن ابی کثیر رحمہ اللہ سے، انہوں نے ابوجعفر رحمہ اللہ کے واسطے سے نقل کی ہے۔ [المعجم الأوسط/باب الألف/حدیث: 24]