عبد الرحمن بن افلح رحمہ اللہ سے روایت ہے کہ صحابہ کرام رضی اللہ عنہم کی ایک جماعت نے انہیں سیدنا ابن عمر رضی اللہ عنہما کے پاس بھیجا، وہ ان سے نمازِ وسطیٰ کے بارے میں سوال کر رہے تھے؟ تو انہوں نے فرمایا: ”ہم یہ تذکرہ کیا کرتے تھے کہ یہ وہی نماز ہے جس میں رسول اللہ صلی اللہ علیہ وسلم کا رخ قبلہ کی طرف پھیرا گیا تھا: یعنی ظہر کی نماز۔“
یہ حدیث عبد الرحمن بن افلح رحمہ اللہ سے، انہوں نے سیدنا ابن عمر رضی اللہ عنہما سے صرف اسی سند کے ساتھ مروی ہے، اور اسے بیان کرنے میں موسیٰ بن ربیعہ رحمہ اللہ منفرد ہیں۔ [المعجم الأوسط/باب الألف/حدیث: 240]