سیدنا ابن عباس رضی اللہ عنہما اسے رسول اللہ صلی اللہ علیہ وسلم سے مرفوعاً روایت کرتے ہیں کہ آپ صلی اللہ علیہ وسلم نے فرمایا: ”جو شخص بھی دس افراد کا والی (ذمہ دار) بنا، اسے قیامت کے دن اس حال میں لایا جائے گا کہ اس کا ہاتھ اس کی گردن کے ساتھ بندھا ہوا ہوگا، یہاں تک کہ اس کے اور ان (ماتحتوں) کے درمیان فیصلہ کر دیا جائے۔“
اس حدیث کو اعمش رحمہ اللہ سے صرف محاربی رحمہ اللہ نے روایت کیا ہے اور ان سے اس کی روایت میں جعفی رحمہ اللہ منفرد ہیں۔ [المعجم الأوسط/باب الألف/حدیث: 286]