ام المومنین سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم نے فرمایا: ”جس نے اپنے بائیں ہاتھ سے کھایا اس کے ساتھ شیطان نے کھایا، اور جس نے اپنے بائیں ہاتھ سے پیا اس کے ساتھ شیطان نے پیا۔“
اس حدیث کو اسماعیل بن ابی حکیم رحمہ اللہ سے صرف موسیٰ بن سرجس رحمہ اللہ نے روایت کیا ہے، اور موسیٰ سے صرف یزید بن الہاد رحمہ اللہ نے، جبکہ ابن لہیعہ رحمہ اللہ اس کی روایت میں منفرد ہیں۔ [المعجم الأوسط/باب الألف/حدیث: 292]