سیدنا ابن مسعود رضی اللہ عنہ سے روایت ہے، انہوں نے فرمایا کہ ایک شخص نے نبی صلی اللہ علیہ وسلم سے عرض کیا: ”میں یہ کیسے جان سکتا ہوں کہ کب میں نے نیکی کی ہے اور کب میں نے بدی کی ہے؟“ تو نبی صلی اللہ علیہ وسلم نے ارشاد فرمایا: ”جب تم اپنے پڑوسیوں کو یہ کہتے ہوئے سنو کہ: ”یقیناً تم نے اچھا کیا ہے“، تو تم نے واقعی اچھا کیا، اور جب تم انہیں یہ کہتے ہوئے سنو کہ: ”یقیناً تم نے برا کیا ہے“، تو تم نے واقعی برا کیا ہے۔“
امام طبرانی رحمہ اللہ فرماتے ہیں: ”اسے منصور سے صرف معمر نے روایت کیا ہے، اور سیدنا ابن مسعود رضی اللہ عنہ سے یہ روایت صرف اسی طریق سے مروی ہے۔“ [المعجم الأوسط/باب الألف/حدیث: 2982]