سیدنا ابوامامہ رضی اللہ عنہ سے روایت ہے کہ ایک شخص نے عرض کی: ”اے اللہ کے رسول صلی اللہ علیہ وسلم ! گناہ کیا ہے؟“ آپ صلی اللہ علیہ وسلم نے فرمایا: ”گناہ وہ ہے جو تمہارے سینے میں کھٹکے، تو اسے چھوڑ دو۔“ اس شخص نے پھر پوچھا: ”تو ایمان کیا ہے؟“ آپ صلی اللہ علیہ وسلم نے فرمایا: ”جس شخص کو اس کی برائی غمزدہ کر دے اور اس کی نیکی خوش کر دے، تو وہ مومن ہے۔“
امام طبرانی رحمہ اللہ فرماتے ہیں: ”یہ حدیث یحییٰ بن ابی کثیر رحمہ اللہ سے صرف معمر رحمہ اللہ نے روایت کی ہے، اور یہ سیدنا ابوامامہ رضی اللہ عنہ سے صرف اسی سند کے ساتھ مروی ہے۔“ [المعجم الأوسط/باب الألف/حدیث: 2993]