سیدنا عبداللہ بن عمر رضی اللہ عنہما سے روایت ہے کہ انہوں نے فرمایا: ”میں رسول اللہ صلی اللہ علیہ وسلم کے ساتھ موجود تھا کہ اسی دوران ایک شخص نبی صلی اللہ علیہ وسلم کی خدمت میں حاضر ہوا اور آپ صلی اللہ علیہ وسلم سے مصافحہ کیا، تو نبی صلی اللہ علیہ وسلم نے اپنا ہاتھ اس شخص کے ہاتھ سے اس وقت تک نہیں نکالا جب تک کہ اس شخص نے خود اپنا ہاتھ نہیں کھینچ لیا، پھر اس نے عرض کیا: اے اللہ کے رسول! سیدنا عثمان رضی اللہ عنہ تشریف لائے ہیں۔ آپ صلی اللہ علیہ وسلم نے فرمایا: ”(وہ) اہل جنت میں سے ایک شخص ہیں۔“
اس حدیث کو سفیان رحمہ اللہ سے صرف روح بن صلاح رحمہ اللہ نے روایت کیا ہے۔ [المعجم الأوسط/باب الألف/حدیث: 300]