سیدنا ابن مسعود رضی اللہ عنہ سے روایت ہے کہ رسول اللہ صلی اللہ علیہ وسلم مکہ میں داخل ہوئے، جبکہ بیت اللہ کے گرد تین سو ساٹھ بت تھے، پس آپ صلی اللہ علیہ وسلم اپنے پاس موجود ایک لکڑی سے انہیں ٹھوکر مارنے لگے اور فرما رہے تھے: ” ﴿جَاءَ الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقًا﴾ ”حق آ گیا اور باطل مٹ گیا، یقیناً باطل مٹنے ہی والا ہے“، ﴿جَاءَ الْحَقُّ وَمَا يُبْدِئُ الْبَاطِلُ وَمَا يُعِيدُ﴾ ”حق آ چکا ہے اور باطل اب نہ کچھ پہلی بار پیدا کر سکتا ہے اور نہ دوبارہ اعادہ کر سکتا ہے““۔
جامع بن ابی راشد رحمہ اللہ سے یہ حدیث سفیان بن عیینہ رحمہ اللہ کے علاوہ کسی نے روایت نہیں کی، اور ان سے اسے روایت کرنے میں ابو صالح حرانی رحمہ اللہ منفرد ہیں۔ [المعجم الأوسط/باب الألف/حدیث: 316]