سیدنا ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جب تم میں سے کوئی شخص نماز پڑھ رہا ہو تو وہ اپنی نگاہ آسمان کی طرف نہ اٹھائے، کہیں ایسا نہ ہو کہ اسے اچک لیا جائے۔“
اس حدیث کو امام زہری رحمہ اللہ سے، انہوں نے عبید اللہ رحمہ اللہ سے اور انہوں نے سیدنا ابو سعید رضی اللہ عنہ سے یزید بن ابی حبیب رحمہ اللہ کے علاوہ کسی نے روایت نہیں کیا، اور ابن لہیعہ رحمہ اللہ اسے روایت کرنے میں منفرد ہیں۔ [المعجم الأوسط/باب الألف/حدیث: 319]