سیدنا عقبہ بن عامر جہنی رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”حسن اور حسین (رضی اللہ عنہما) عرش کے دو آویزے (کانوں کے زیور) ہیں، اور وہ (وہاں محض) لٹکے ہوئے نہیں ہیں۔“
اور بے شک نبی صلی اللہ علیہ وسلم نے فرمایا: ”جب اہل جنت، جنت میں مستقر ہو جائیں گے تو جنت عرض کرے گی: اے میرے رب! تو نے مجھ سے وعدہ فرمایا تھا کہ تو مجھے اپنے ارکان میں سے دو ارکان کے ذریعے زینت عطا فرمائے گا۔ اللہ تعالیٰ فرمائے گا: کیا میں نے تجھے حسن اور حسین (رضی اللہ عنہما) کے ذریعے زینت نہیں بخشی؟“
امام طبرانی رحمہ اللہ فرماتے ہیں: ”ان دونوں احادیث کو ابن لہیعہ رحمہ اللہ سے حمید بن علی رحمہ اللہ کے علاوہ کسی نے روایت نہیں کیا۔“ [المعجم الأوسط/باب الألف/حدیث: 337]