سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”اگر انسان کو معلوم ہو جائے کہ موت کے بعد اس پر کیا کچھ گزرنے والا ہے تو وہ جو لقمہ بھی کھائے گا اور جو گھونٹ بھی پیے گا، اس حال میں کھائے پیے گا کہ وہ رو رہا ہوگا اور اپنے سینے پر ہاتھ مار رہا ہوگا۔“
امام طبرانی رحمہ اللہ فرماتے ہیں: ”اسے سفیان ثوری رحمہ اللہ سے ابراہیم بن ہراسہ کے سوا کسی نے روایت نہیں کیا۔“ [المعجم الأوسط/باب الحاء/حدیث: 3434]