سیدنا عبداللہ بن عباس رضی اللہ عنہما سے روایت ہے کہ سیدنا عمر بن خطاب رضی اللہ عنہ جب خلیفہ بنائے گئے تو انہوں نے لوگوں کو عورتوں سے نکاحِ متعہ کرنے سے منع کر دیا اور فرمایا: ”درحقیقت یہ ایسی چیز تھی جس کی لوگوں کو اس وقت رخصت دی گئی تھی جب وہ (تعداد میں) کم تھے، پھر اس کے بعد اسے ان پر حرام کر دیا گیا؛ لہٰذا اب میں جس کسی کو بھی یہ کام کرتے ہوئے پاؤں گا اسے ضرور سزا دوں گا۔“
اس حدیث کو ابونضرہ رحمہ اللہ سے صرف براء بن عبداللہ رحمہ اللہ نے روایت کیا ہے۔ [المعجم الأوسط/باب الألف/حدیث: 347]