سیدنا نافع بن عتبہ رضی اللہ عنہ بیان کرتے ہیں کہ عرب کے کچھ لوگ اسلام قبول کرنے کے لیے رسول اللہ صلی اللہ علیہ وسلم کی خدمت میں حاضر ہوئے، ان پر اونی لباس تھا۔ میں نے (دل میں) کہا: ”میں ان لوگوں اور رسول اللہ صلی اللہ علیہ وسلم کے درمیان ضرور حائل ہوں گا۔“ پھر میں نے اپنے آپ سے کہا: ”آپ صلی اللہ علیہ وسلم تو اس وقت ان لوگوں سے سرگوشی میں گفتگو فرما رہے ہیں۔“ لیکن میرا دل نہ مانا اور میں آپ صلی اللہ علیہ وسلم کی طرف اٹھ کر گیا، تو میں نے آپ صلی اللہ علیہ وسلم کو یہ فرماتے سنا: ”تم جزیرۂ عرب میں جہاد کرو گے تو اللہ اسے فتح کرا دے گا، پھر تم فارس سے جہاد کرو گے تو اللہ اسے بھی فتح کرا دے گا، پھر تم دجال سے جنگ کرو گے تو اللہ اسے بھی فتح کرا دے گا۔“
امام طبرانی رحمہ اللہ فرماتے ہیں: ”موسیٰ بن عبدالملک بن عمیر سے یہ حدیث صرف عاصم بن علی نے روایت کی ہے۔“ [المعجم الأوسط/باب العين/حدیث: 3691]