سیدنا عبداللہ بن عمر رضی اللہ عنہما بیان کرتے ہیں: رسول اللہ صلی اللہ علیہ وسلم غزوۂ احد سے واپسی پر سیدنا مصعب بن عمیر رضی اللہ عنہ کے پاس سے گزرے تو ان کے اور ان کے ساتھیوں کے پاس ٹھہر گئے اور فرمایا: ”میں گواہی دیتا ہوں کہ تم اللہ کے ہاں زندہ ہو، لہٰذا ان کی زیارت کیا کرو اور انہیں سلام کہا کرو، کیونکہ اس ذات کی قسم جس کے ہاتھ میں محمد صلی اللہ علیہ وسلم کی جان ہے! قیامت تک جو بھی انہیں سلام کہے گا وہ اس کے سلام کا جواب دیں گے۔“
امام طبرانی رحمہ اللہ فرماتے ہیں: ”یہ حدیث سیدنا ابن عمر رضی اللہ عنہما سے صرف اسی سند سے مروی ہے، اس میں ابو بلال منفرد ہیں .....“ [المعجم الأوسط/باب العين/حدیث: 3700]