سیدنا ابوسعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جو شخص اپنے رزق پر ناراض ہو، اپنی شکایتیں لوگوں میں پھیلاتا پھرے اور صبر نہ کرے، اس کا کوئی عمل اللہ کی طرف بلند نہیں ہوتا اور وہ اللہ سے اس حال میں ملے گا کہ وہ اس پر ناراض ہوگا۔“
امام طبرانی رحمہ اللہ فرماتے ہیں: ”اس حدیث کو ابراہیم نخعی رحمہ اللہ سے محل کے سوا کسی نے روایت نہیں کیا، اور محل سے یوسف بن اسباط کے سوا کسی نے روایت نہیں کیا۔ اس میں عثمان بن عبداللہ شامی منفرد ہیں، اور رسول اللہ صلی اللہ علیہ وسلم سے یہ حدیث اسی سند کے سوا مروی نہیں ہے۔“ [المعجم الأوسط/باب العين/حدیث: 3710]