سیدنا جابر رضی اللہ عنہما بیان کرتے ہیں کہ رسول اللہ صلی اللہ علیہ وسلم نے ماہِ رمضان میں ہمیں آٹھ رکعتیں پڑھائیں اور وتر ادا کیے۔ پھر جب اگلی رات آئی تو ہم مسجد میں جمع ہو گئے اور امید رکھی کہ آپ صلی اللہ علیہ وسلم ہمیں نماز پڑھائیں گے (مگر آپ صلی اللہ علیہ وسلم تشریف نہ لائے)۔ بعد میں آپ صلی اللہ علیہ وسلم نے فرمایا: ”مجھے اندیشہ ہوا“ یا فرمایا: ”مجھے یہ بات ناپسند ہوئی کہ کہیں یہ نماز تم پر فرض نہ کر دی جائے۔“ [المعجم الأوسط/باب العين/حدیث: 3733]