سیدنا واثلہ بن اسقع رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”اپنے بھائی کی مصیبت پر خوشی کا اظہار نہ کر، کہیں ایسا نہ ہو کہ اللہ تعالیٰ اسے عافیت دے دے اور تجھے آزمائش میں ڈال دے۔“
امام طبرانی رحمہ اللہ فرماتے ہیں: ”اس حدیث کو مکحول رحمہ اللہ سے برد کے سوا کسی نے روایت نہیں کیا، اور برد سے حفص کے سوا کسی نے روایت نہیں کیا، اور رسول اللہ صلی اللہ علیہ وسلم سے یہ روایت صرف اسی سند سے مروی ہے۔“ [المعجم الأوسط/باب العين/حدیث: 3739]