سیدنا بلال رضی اللہ عنہ بیان کرتے ہیں کہ میں نے عرض کیا: ”اے اللہ کے رسول! جب میں اپنی بیوی سے صحبت کروں اور ہم الگ ہو جائیں اور مجھے انزال نہ ہوا ہو تو کیا میں غسل کروں؟“ آپ صلی اللہ علیہ وسلم نے فرمایا: ”ہاں! میں نے بھی اپنی بیوی کے ساتھ ایسا کیا اور مجھے انزال نہ ہوا، پھر بھی ہم نے غسل کیا۔“
امام طبرانی رحمہ اللہ فرماتے ہیں: ”اس حدیث کو سیدنا بلال رضی اللہ عنہ سے شرحبیل بن سمط رحمہ اللہ کے سوا کسی نے روایت نہیں کیا، اور شرحبیل سے ابن محیریز رحمہ اللہ کے سوا، اور ابن محیریز سے علی بن ابی حملہ رحمہ اللہ کے سوا کسی نے روایت نہیں کیا، اور اس میں ضمرہ رحمہ اللہ منفرد ہیں۔“ [المعجم الأوسط/باب العين/حدیث: 3826]