سیدنا ہرماس بن زیاد باہلی رضی اللہ عنہ بیان کرتے ہیں: ”میرے والد رسول اللہ صلی اللہ علیہ وسلم کے پاس وفد کے طور پر حاضر ہوئے اور میں بھی ان کے ساتھ تھا، تو میرے والد نے آپ صلی اللہ علیہ وسلم سے عرض کیا: ’میرے لیے اور میرے بیٹے کے لیے اللہ سے دعا کیجیے۔‘
پھر آپ صلی اللہ علیہ وسلم نے میرے سر پر ہاتھ پھیرا، اور میرے والد نے آپ صلی اللہ علیہ وسلم سے اسلام پر بیعت کی۔“
امام طبرانی رحمہ اللہ فرماتے ہیں: ”یہ حدیث ہرماس سے اسی سند کے ساتھ ہی روایت کی جاتی ہے، اور اس میں شباب عصفری منفرد ہیں۔“ [المعجم الأوسط/باب العين/حدیث: 3837]