سیدنا عبداللہ بن عمر رضی اللہ عنہما فرماتے ہیں کہ رسول اللہ صلی اللہ علیہ وسلم نے فرمایا: ”تم لوگ مختلف لشکروں کی صورت میں بھرتی ہو گے۔“ ایک آدمی نے عرض کیا: ”اے اللہ کے رسول! میرے لیے (جگہ کا) انتخاب فرما دیجیے۔“ آپ صلی اللہ علیہ وسلم نے فرمایا: ”تم شام کو لازم پکڑو، کیونکہ وہ اللہ کے شہروں میں اس کی پسندیدہ اور برگزیدہ سرزمین ہے، اس میں اس کے بندوں میں سے اس کے منتخب لوگ ہیں۔ پس جو شخص اس سے بے رغبتی کرے تو وہ اپنے یمن سے جا ملے اور وہاں کے حوضوں (تالابوں) سے اپنے جانوروں کو پانی پلائے، کیونکہ اللہ تعالیٰ نے میرے لیے شام اور اہلِ شام کی کفالت (ذمہ داری) لی ہے۔“
امام طبرانی رحمہ اللہ فرماتے ہیں: ”اس حدیث کو ابن ثوبان سے عثمان بن عبدالرحمن کے سوا کسی نے روایت نہیں کیا۔“ [المعجم الأوسط/باب العين/حدیث: 3851]