سیدنا عبداللہ بن مسعود رضی اللہ عنہ سے روایت ہے کہ انہوں نے فرمایا: تمہارے نبی صلی اللہ علیہ وسلم جب رکوع یا سجدے کی حالت میں ہوتے تو فرماتے: «سُبْحَانَكَ وَبِحَمْدِكَ، أَسْتَغْفِرُكَ وَأَتُوبُ إِلَيْكَ» ”اے اللہ! تو اپنی تعریف کے ساتھ پاک ہے، میں تجھ سے بخشش طلب کرتا ہوں اور تیری ہی طرف رجوع کرتا ہوں۔“
اس حدیث کو حماد رحمہ اللہ سے صرف زید بن ابی انیسہ رحمہ اللہ نے روایت کیا ہے، اور زید رحمہ اللہ سے صرف عبید اللہ بن عمرو رحمہ اللہ نے؛ اس کی روایت میں عبداللہ بن جعفر رحمہ اللہ منفرد ہیں، اور سیدنا ابن مسعود رضی اللہ عنہ سے یہ حدیث صرف اسی سند کے ساتھ مروی ہے۔ [المعجم الأوسط/باب الألف/حدیث: 394]