سیدنا عبداللہ بن عباس رضی اللہ عنہما سے روایت ہے کہ نبی کریم صلی اللہ علیہ وسلم نے فرمایا: ”مریض کھڑے ہو کر نماز پڑھے، اگر اسے مشقت لاحق ہو تو بیٹھ کر پڑھے، اگر بیٹھنے میں بھی مشقت ہو تو لیٹ کر سر کے اشارے سے پڑھے، اور اگر اس میں بھی مشقت ہو تو (صرف) تسبیح کر لے۔“
امام طبرانی رحمہ اللہ فرماتے ہیں: ”اس حدیث کو ابن جریج سے حلبس کے سوا کسی نے روایت نہیں کیا، اور محمد بن یحییٰ بن فیاض اس میں منفرد ہیں۔“ [المعجم الأوسط/باب العين/حدیث: 3997]