سیدنا عبداللہ بن غسیل رضی اللہ عنہ بیان کرتے ہیں کہ میں رسول اللہ صلی اللہ علیہ وسلم کے ساتھ تھا کہ آپ صلی اللہ علیہ وسلم سیدنا عباس رضی اللہ عنہ کے پاس سے گزرے اور فرمایا: ”چچا جان! اپنے بیٹوں کو لے کر میرے ساتھ آئیے۔“ چنانچہ وہ اپنے چھ بیٹوں: فضل، عبداللہ، عبیداللہ، عبدالرحمن، قثم اور معبد (رضی اللہ عنہم) کو لے کر چلے۔ نبی کریم صلی اللہ علیہ وسلم نے انہیں ایک گھر میں داخل فرمایا اور اپنی ایک سیاہ چادر سے، جس میں سرخ دھاریاں تھیں، انہیں ڈھانپ دیا اور دعا فرمائی: ”اے اللہ! یہ میرے اہلِ بیت اور میرے خاندان کے افراد ہیں، تو انہیں آگ سے اسی طرح بچا لے جیسے میں نے انہیں اس چادر میں چھپا لیا ہے۔“ راوی کہتے ہیں: ”پھر گھر کی کوئی اینٹ اور کوئی دروازہ باقی نہ رہا جس نے آمین نہ کہی ہو۔“
امام طبرانی رحمہ اللہ فرماتے ہیں: ”عبداللہ بن غسیل سے یہ حدیث صرف اسی سند سے مروی ہے، اور اس میں محمد بن صالح بن مہران منفرد ہیں۔“ [المعجم الأوسط/باب العين/حدیث: 4071]