سیدنا بریدہ رضی اللہ عنہ بیان کرتے ہیں کہ میں نے رسول اللہ صلی اللہ علیہ وسلم کو فرماتے سنا: ”کیا پتھر اور درخت بہت زیادہ ہیں؟“ آپ صلی اللہ علیہ وسلم نے یہ تین مرتبہ فرمایا، ہم نے عرض کیا: جی ہاں، تو آپ صلی اللہ علیہ وسلم نے فرمایا: ”اس ذات کی قسم جس کے ہاتھ میں میری جان ہے! میری شفاعت پتھروں اور درختوں سے بھی زیادہ ہے۔“
امام طبرانی رحمہ اللہ فرماتے ہیں: ”یہ حدیث ابن بریدہ سے اسی سند کے ساتھ ہی مروی ہے، اس میں ابو جابر منفرد ہیں۔“
دار الحرمین کے نسخے میں اسی طرح (الراسبی) ہے، اور غالباً صحیح (الرأسی) یا (الرسعنی) ہے جو رأس العین کی طرف نسبت ہے، کتبِ انساب دیکھی جائیں، واللہ اعلم۔ [المعجم الأوسط/باب العين/حدیث: 4100]