سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جو شخص کسی اندھے اور غیر واضح مقصد والے جھنڈے تلے قتل ہو گیا، اس حال میں کہ وہ محض عصبیت کی بنا پر لڑ رہا ہو یا عصبیت ہی کی بنیاد پر کسی کی مدد کر رہا ہو، تو اس کا قتل ہونا جاہلیت کی موت ہے۔“
اس حدیث کو سوید بن حجیر رحمہ اللہ سے صرف حجاج بن حجاج باہلی رحمہ اللہ نے روایت کیا ہے، اور اسے بیان کرنے میں قزعہ بن سوید رحمہ اللہ منفرد ہیں۔ [المعجم الأوسط/باب الألف/حدیث: 416]