سیدنا معاذ بن جبل رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”آخری زمانہ میں کچھ ایسے لوگ ہوں گے جو علانیہ طور پر تو بھائی چارہ رکھیں گے مگر باطن میں ایک دوسرے کے دشمن ہوں گے۔“ عرض کیا گیا: ”اے اللہ کے رسول صلی اللہ علیہ وسلم ! یہ کیسے ہو سکے گا؟“ آپ صلی اللہ علیہ وسلم نے فرمایا: ”یہ ان کی ایک دوسرے سے وابستہ (مادی) رغبت اور ایک دوسرے کے ڈر کی وجہ سے ہوگا۔“
یہ حدیث سیدنا معاذ رضی اللہ عنہ سے صرف اسی سند کے ساتھ مروی ہے، اور ابو بکر بن ابی مریم رحمہ اللہ اس کی روایت میں منفرد ہیں۔ [المعجم الأوسط/باب الألف/حدیث: 434]