سیدنا عامر بن ربیعہ رضی اللہ عنہ سے روایت ہے کہ قبیلہ ثقیف کے ایک شخص جن کی کنیت ابو تمام تھی، انہوں نے رسول اللہ صلی اللہ علیہ وسلم کو شراب کا ایک بڑا مشکیزہ ہدیہ کیا، تو رسول اللہ صلی اللہ علیہ وسلم نے فرمایا: ”اے ابو تمام! یقیناً یہ اب حرام کر دی گئی ہے۔“ انہوں نے عرض کیا: اے اللہ کے رسول صلی اللہ علیہ وسلم ! کیا میں اس کی قیمت کو (فروخت کر کے) اپنے خرچ میں لا سکتا ہوں؟ تو نبی صلی اللہ علیہ وسلم نے ان سے فرمایا: ”بے شک جس (ذات) نے اس کا پینا حرام کیا ہے، اس نے اس کی قیمت (وصول کرنا) بھی حرام کر دی ہے۔“
اس حدیث کو ابوبکر بن حفص رحمہ اللہ سے صرف زید بن ابی انیسہ رحمہ اللہ نے روایت کیا ہے، اور سیدنا عامر بن ربیعہ رضی اللہ عنہ سے یہ روایت صرف اسی سند کے ساتھ مروی ہے۔ [المعجم الأوسط/باب الألف/حدیث: 436]