سیدنا ابن عمر رضی اللہ عنہما سے روایت ہے کہ انہوں نے فرمایا: میں نے رسول اللہ صلی اللہ علیہ وسلم کو یہ فرماتے ہوئے سنا: ”جب قیامت کا دن ہوگا، اللہ تعالیٰ اپنے بندوں میں سے کسی بندے کو طلب فرمائے گا اور اسے اللہ کے حضور کھڑا کیا جائے گا، پھر اللہ تعالیٰ اس سے اس کے جاہ و منصب کے بارے میں (بھی) سوال فرمائے گا جس طرح اس سے اس کے مال کے بارے میں سوال فرمائے گا۔“
اس حدیث کو عبداللہ بن دینار رحمہ اللہ سے صرف سلیمان بن بلال رحمہ اللہ نے روایت کیا ہے، اور اس کی روایت میں یوسف بن یونس رحمہ اللہ منفرد ہیں۔ [المعجم الأوسط/باب الألف/حدیث: 448]