حسن بصری رحمہ اللہ بیان کرتے ہیں کہ میں نے سیدنا عمران بن حصین اور سیدنا ابوہریرہ رضی اللہ عنہما سے اللہ کی کتاب کی اس آیت ﴿وَمَسَاكِنَ طَيِّبَةً فِي جَنَّاتِ عَدْنٍ﴾ (اور ہمیشگی والی جنتوں میں رہنے کے پاکیزہ مکانات) کے بارے میں دریافت کیا، تو ان دونوں نے جواب دیا: ”تم ایک باخبر شخص کے پاس پہنچے ہو، ہم نے اس کے بارے میں رسول اللہ صلی اللہ علیہ وسلم سے سوال کیا تھا تو آپ صلی اللہ علیہ وسلم نے ارشاد فرمایا: ”(اس سے مراد) جنت میں موتی کا ایک محل ہے جس میں سرخ یاقوت کے ستر گھر ہیں، ہر گھر میں سبز زمرد کے ستر کمرے ہیں اور ہر کمرے میں ستر تخت ہیں۔““
امام طبرانی رحمہ اللہ فرماتے ہیں: ”اس حدیث کو حسن بصری رحمہ اللہ سے صرف جسر بن فرقد رحمہ اللہ نے روایت کیا ہے۔“ [المعجم الأوسط/باب العين/حدیث: 4849]