سیدنا ابن عمر رضی اللہ عنہما سے روایت ہے کہ دو آدمی نبی صلی اللہ علیہ وسلم کے پاس ایک جھگڑا لے کر آئے، تو آپ صلی اللہ علیہ وسلم نے فرمایا: ”میں تو محض ایک انسان ہی ہوں، میں تمہارے درمیان اسی کی بنیاد پر فیصلہ کرتا ہوں جو تم سے سنتا ہوں؛ اور بسا اوقات ایسا ہوتا ہے کہ تم میں سے کوئی اپنے بھائی کی نسبت اپنی دلیل پیش کرنے میں زیادہ چرب زبان ہوتا ہے، تو میں (اس کی لچھے دار گفتگو سے متاثر ہو کر) جس کے حق میں اس کے بھائی کے حق کا کچھ حصہ فیصلہ کر دوں، تو درحقیقت میں اس کے لیے آگ کا ایک ٹکڑا کاٹ رہا ہوں۔“
یہ حدیث سیدنا ابن عمر رضی اللہ عنہما سے صرف اسی سند کے ساتھ مروی ہے، اور القاسم بن عبداللہ بن عمر رحمہ اللہ اس کی روایت میں منفرد ہیں۔ [المعجم الأوسط/باب العين/حدیث: 4890]