سیدنا حذیفہ رضی اللہ عنہ سے روایت ہے کہ نبی کریم صلی اللہ علیہ وسلم کے پاس ایک آدمی آیا اور اس نے عرض کیا: ”اے اللہ کے رسول! میں نے ایک غلام خریدا ہے، اس کے ساتھ کیا معاملہ کروں؟“ آپ صلی اللہ علیہ وسلم نے فرمایا: ”وہ اسلام میں تمہارا بھائی ہے، لہٰذا جو تم خود کھاتے ہو اسی میں سے اسے کھلاؤ، اور جو تم خود پہنتے ہو اسی میں سے اسے پہناؤ، پھر اگر تم اسے ناپسند کرو تو اسے بیچ دو۔“
امام طبرانی رحمہ اللہ فرماتے ہیں: ”یہ حدیث سیدنا حذیفہ رضی اللہ عنہ سے صرف اسی سند کے ساتھ مروی ہے، اس میں سعید بن محمد الوراق منفرد ہیں۔“ [المعجم الأوسط/باب الفاء/حدیث: 4945]