سیدنا جابر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جس نے اپنے بھائی کے کسی عیب پر پردہ ڈالا، تو گویا اس نے زندہ دفن کی گئی کسی بچی کو زندگی بخش دی۔“
امام طبرانی رحمہ اللہ فرماتے ہیں: ”اس حدیث کو محمد بن المنکدر سے ابو معشر کے سوا کسی نے روایت نہیں کیا، اس میں ابو الربیع منفرد ہیں، اور سیدنا جابر رضی اللہ عنہما سے یہ حدیث صرف اسی سند سے مروی ہے۔“ [المعجم الأوسط/باب القاف/حدیث: 4992]