ایمن رحمہ اللہ بیان کرتے ہیں کہ سیدنا جابر بن عبداللہ رضی اللہ عنہما کے ہاں ان کا ایک مہمان آیا تو وہ ان کے پاس روٹی اور سرکہ لائے اور فرمایا: ”کھاؤ، کیونکہ میں نے رسول اللہ صلی اللہ علیہ وسلم کو فرماتے سنا ہے: ’سرکہ بہترین سالن ہے۔ لوگوں کے لیے ہلاکت کی بات ہے کہ جو کچھ ان کے سامنے پیش کیا جائے اسے حقیر جانیں، اور آدمی کے لیے بھی ہلاکت ہے کہ جو کچھ اس کے گھر میں موجود ہو اسے حقیر سمجھ کر اپنے ساتھیوں کے سامنے پیش نہ کرے۔‘“
امام طبرانی رحمہ اللہ فرماتے ہیں: ”اس حدیث کو عبدالواحد بن ایمن سے محاربی کے سوا کسی نے روایت نہیں کیا۔“ [المعجم الأوسط/باب الميم/حدیث: 5066]