سیدنا کعب بن عجرہ رضی اللہ عنہ بیان کرتے ہیں: رسول اللہ صلی اللہ علیہ وسلم ہمارے پاس تشریف لائے، اس وقت میں قریش کے سات آدمیوں میں ساتواں تھا، تو آپ صلی اللہ علیہ وسلم نے تین بار فرمایا: ”سنو! کیا تم سن رہے ہو؟ عنقریب تم پر ایسے حکمران یا امیر مسلط ہوں گے، تو جو شخص ان کے پاس جائے، ان کے جھوٹ میں ان کی تصدیق کرے اور ان کے ظلم پر ان کی مدد کرے، تو وہ مجھ سے نہیں اور میں اس سے نہیں، اور میں اس سے بری ہوں۔ اور جو ان کے پاس نہ جائے، ان کے جھوٹ میں ان کی تصدیق نہ کرے اور ان کے ظلم پر ان کی مدد نہ کرے، تو وہ مجھ سے ہے اور میں اس سے ہوں، اور وہ (حوضِ کوثر پر) مجھ سے ملے گا اور میرے ساتھ ہوگا۔“
امام طبرانی رحمہ اللہ فرماتے ہیں: ”اس حدیث کو زبید سے محمد بن طلحہ کے سوا کسی نے روایت نہیں کیا۔“ [المعجم الأوسط/باب الميم/حدیث: 5093]