سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”اپنے دوست سے محبت میں اعتدال رکھو، ہو سکتا ہے کسی دن وہ تمہارا دشمن بن جائے، اور اپنے دشمن سے عداوت میں بھی اعتدال رکھو، ہو سکتا ہے کسی دن وہ تمہارا دوست بن جائے۔“
امام طبرانی رحمہ اللہ فرماتے ہیں: ”یہ حدیث عبداللہ بن عمر رضی اللہ عنہما سے صرف اسی سند سے مروی ہے، اس میں عباد بن عوام منفرد ہیں۔“ [المعجم الأوسط/باب الميم/حدیث: 5119]