سیدنا علی رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”(صفوں میں) سیدھے ہو جاؤ، تمہارے دل بھی ہموار رہیں گے، اور باہم مل کر کھڑے ہو جاؤ، تم ایک دوسرے پر رحم کرو گے۔“ سریج رحمہ اللہ نے کہا: ”تماسّوا کا مطلب ہے: نماز میں (صف بندی کے وقت) باہم مل کر کھڑے ہو جاؤ۔“ اور ان کے علاوہ دوسرے راوی نے کہا: ”تماسّوا کا مطلب ہے: آپس میں تعلق جوڑے رکھو۔“
امام طبرانی رحمہ اللہ فرماتے ہیں: ”اس حدیث کو شعبی رحمہ اللہ سے مجالد کے سوا کسی نے روایت نہیں کیا، اور مجالد سے ابو خالد احمر کے سوا کسی نے روایت نہیں کیا، اس میں سریج بن یونس منفرد ہیں، اور سیدنا علی رضی اللہ عنہ سے یہ حدیث صرف اسی سند سے مروی ہے۔“ [المعجم الأوسط/باب الميم/حدیث: 5121]