سیدنا انس رضی اللہ عنہ سے روایت ہے کہ جب نجاشی کی وفات کی خبر آئی تو رسول اللہ صلی اللہ علیہ وسلم نے فرمایا: ”اس کی نمازِ جنازہ پڑھو۔“ صحابہ کرام رضی اللہ عنہم نے عرض کیا: ”اے اللہ کے رسول! آپ ایک حبشی کی نمازِ جنازہ پڑھیں گے؟“ تو اللہ تعالیٰ نے یہ آیت نازل فرمائی: ﴿وَإِنَّ مِنْ أَهْلِ الْكِتَابِ لَمَنْ يُؤْمِنُ بِاللهِ وَمَا أُنْزِلَ إِلَيْكُمْ﴾ ”اور بلاشبہ اہلِ کتاب میں کچھ ایسے بھی ہیں جو اللہ پر ایمان رکھتے ہیں اور اس (کتاب) پر بھی جو تمہاری طرف نازل کی گئی۔“
امام طبرانی رحمہ اللہ فرماتے ہیں: ”اس حدیث کو حمید سے ابوبکر بن عیاش اور معتمر بن سلیمان کے سوا کسی نے روایت نہیں کیا۔“ [المعجم الأوسط/باب الميم/حدیث: 5147]