ام المومنین سیدہ عائشہ رضی اللہ عنہا بیان کرتی ہیں کہ نبی کریم صلی اللہ علیہ وسلم نے ایک آدمی کو پرندے کے پیچھے لگا ہوا دیکھا تو فرمایا: ”ایک شیطان دوسرے شیطان کے پیچھے لگا ہوا ہے۔“
امام طبرانی رحمہ اللہ فرماتے ہیں: ”اس حدیث کو محمد بن عمرو سے، انہوں نے ابو سلمہ سے، انہوں نے سیدہ عائشہ رضی اللہ عنہا سے شریک کے سوا کسی نے روایت نہیں کیا، اور اس میں عبد اللہ بن عامر بن زرارہ منفرد ہیں۔ اور اسے حماد بن سلمہ نے محمد بن عمرو سے، انہوں نے ابو سلمہ سے، انہوں نے سیدنا ابو ہریرہ رضی اللہ عنہ سے روایت کیا ہے۔“ [المعجم الأوسط/باب الميم/حدیث: 5206]