سیدنا عبداللہ بن عمرو رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”اللہ تعالیٰ تمہارے ہاتھ عجمیوں سے بھر دے گا (یعنی وہ کثرت سے تمہارے قبضے میں آئیں گے)، پھر وہ شیروں کی طرح ہو جائیں گے، جو بھاگتے نہیں، تمہاری گردنیں ماریں گے اور تمہارا مالِ فَے لے لیں گے۔“
امام طبرانی رحمہ اللہ فرماتے ہیں: ”اس حدیث کو لیث رحمہ اللہ سے عبداللہ بن عبدالقدوس کے سوا کسی نے روایت نہیں کیا، اور سیدنا عبداللہ بن عمرو رضی اللہ عنہما سے یہ حدیث اسی سند کے سوا مروی نہیں۔“ [المعجم الأوسط/باب الميم/حدیث: 5215]