سیدنا ابو ہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”جب تم میں سے کوئی اپنے مسلمان بھائی کے ہاں جائے اور وہ اسے کھانا کھلائے تو اس کے کھانے میں سے کھا لے اور اس کے بارے میں (کہ کہاں سے آیا، حلال ہے یا نہیں) سوال نہ کرے، اور اگر وہ اسے کوئی مشروب پلائے تو اس کے مشروب میں سے پی لے اور اس کے بارے میں سوال نہ کرے۔“
امام طبرانی رحمہ اللہ فرماتے ہیں: ”اس حدیث کو زید بن اسلم سے مسلم بن خالد کے سوا کسی نے روایت نہیں کیا۔“ [المعجم الأوسط/باب الميم/حدیث: 5305]