سیدنا عبداللہ بن مسعود رضی اللہ عنہ سے مرفوعاً روایت ہے کہ نبی کریم صلی اللہ علیہ وسلم نے فرمایا: ”کیا تم جانتے ہو کون سا صدقہ سب سے افضل ہے؟“ صحابہ کرام رضی اللہ عنہم نے عرض کیا: ”اللہ اور اس کا رسول صلی اللہ علیہ وسلم زیادہ جانتے ہیں۔“ آپ صلی اللہ علیہ وسلم نے فرمایا: ”منیحہ، یعنی آدمی کسی کو (عارضی طور پر) درہم دے یا سواری کے جانور کی پیٹھ (سواری کے لیے) دے۔“
امام طبرانی رحمہ اللہ فرماتے ہیں: ”اس حدیث کو سماک بن حرب سے حفص بن جمیع کے سوا کسی نے روایت نہیں کیا، اور عمر بن یحییٰ اس میں منفرد ہیں۔“ [المعجم الأوسط/باب الميم/حدیث: 5326]