سیدنا ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس شخص کی دو پیاری چیزیں (یعنی آنکھیں) میں لے لوں، پھر وہ صبر کرے اور ثواب کی امید رکھے تو میں اس کے لیے جنت سے کم کسی ثواب پر راضی نہیں ہوں گا۔“
امام طبرانی رحمہ اللہ فرماتے ہیں: ”زید بن اسلم سے یہ حدیث مرزوق ابو بکر کے سوا کسی نے روایت نہیں کی، اور مرزوق سے مسلمہ کے سوا کسی نے روایت نہیں کی، اور اس میں عمر بن شبہ منفرد ہیں۔“ [المعجم الأوسط/باب الميم/حدیث: 5372]