سیدنا عبداللہ بن عمرو رضی اللہ عنہما سے روایت ہے کہ ایک دن کچھ لوگ رسول اللہ صلی اللہ علیہ وسلم کے دروازے پر قرآن کے بارے میں جھگڑ رہے تھے، تو نبی کریم صلی اللہ علیہ وسلم اس حال میں باہر تشریف لائے کہ آپ صلی اللہ علیہ وسلم کے چہرے کا رنگ بدلا ہوا تھا، پھر آپ صلی اللہ علیہ وسلم نے فرمایا: ”اے لوگو! اسی سے پچھلی امتیں ہلاک ہوئیں۔ بے شک قرآن کا ایک حصہ دوسرے حصے کی تصدیق کرتا ہے، لہٰذا اس کے ایک حصے کے ذریعے دوسرے حصے کو نہ جھٹلاؤ۔“
امام طبرانی رحمہ اللہ فرماتے ہیں: ”یہ حدیث زہری سے، انہوں نے عبیداللہ بن عبداللہ سے صرف صالح بن ابی اخضر نے روایت کی ہے، اور معمر نے اسے زہری سے، انہوں نے عمرو بن شعیب سے، انہوں نے اپنے والد سے، انہوں نے اپنے دادا سے روایت کیا ہے۔“
دار الحرمین کے مطبوعہ نسخے میں اسی طرح ہے، اور غالباً اس میں تصحیف ہے، درست (السلیمی) ہے۔ [المعجم الأوسط/باب الميم/حدیث: 5378]