سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”سفید لباس کو لازم پکڑو، چنانچہ تمہارے زندہ لوگ اسے پہنیں اور اپنے مُردوں کو بھی اسی میں کفن دو۔“
امام طبرانی رحمہ اللہ فرماتے ہیں: ”یہ حدیث سیدنا انس رضی اللہ عنہ سے صرف اسی سند سے مروی ہے، اس میں حسین بن حکم منفرد ہیں۔“
دار الحرمین کے مطبوعہ نسخے میں اسی طرح ہے، جبکہ درست ”حسن“ ہے، جیسا کہ کتبِ رجال میں آیا ہے۔ [المعجم الأوسط/باب الميم/حدیث: 5391]