سیدنا عبداللہ بن عمر رضی اللہ عنہما بیان کرتے ہیں: ”ام المومنین سیدہ عائشہ اور سیدہ حفصہ رضی اللہ عنہما نے صبح روزے کی حالت میں کی، پھر ان دونوں کو کھانا ہدیہ میں آیا تو انہوں نے روزہ توڑ دیا۔ اتنے میں نبی کریم صلی اللہ علیہ وسلم تشریف لائے تو ان میں سے ایک نے آپ صلی اللہ علیہ وسلم سے اس بارے میں پوچھا، تو آپ صلی اللہ علیہ وسلم نے ان دونوں سے فرمایا: ”اس کی جگہ ایک دن کی قضا کر لو۔“
امام طبرانی رحمہ اللہ فرماتے ہیں: ”اس حدیث کو عبیداللہ بن عمر عن نافع کی سند سے حماد بن ولید کے سوا کسی نے روایت نہیں کیا، اور اسے ابو ہمام محمد بن زبرقان نے عبیداللہ بن عمر سے، انہوں نے امام زہری رحمہ اللہ سے، انہوں نے عروہ سے، انہوں نے سیدہ عائشہ رضی اللہ عنہا سے روایت کیا ہے۔“ [المعجم الأوسط/باب الميم/حدیث: 5395]