سیدنا ابوسعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس نے جمعہ کے دن اچھی طرح طہارت حاصل کی، پھر جمعہ کے لیے چل پڑا، اور نہ کوئی لغو بات کی اور نہ کوئی جہالت کا کام کیا، تو یہ عمل اس کے لیے اس جمعہ سے اگلے جمعہ تک کے درمیانی گناہوں کا کفارہ بن جائے گا۔“
امام طبرانی رحمہ اللہ فرماتے ہیں: ”اس حدیث کو اسماعیل بن ابی خالد رحمہ اللہ سے اسماعیل بن حماد رحمہ اللہ کے سوا کسی نے روایت نہیں کیا، اور اس میں محمد بن ابی شیبہ رحمہ اللہ منفرد ہیں۔“ [المعجم الأوسط/باب الميم/حدیث: 5457]